Dualismo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Dualismo
- En xeral, doutrina que, en calquera ámbito do coñecemento, apela a dous principios explicativos, irredutíbeis entre si, para dar conta da realidade que se pretende explicar. Podemos falar, pois, de distintos dualismos, segundo o ámbito no que nos situemos: relixioso, metafísico, científico, psicolóxico, moral, etc.
É habitual, non obstante, que o termo dualismo, sen máis adxectivacións, se utilice preferentemente para referirse ao dualismo metafísico, é dicir, a toda doutrina que afirme a existencia de dous principios irredutíbeis a partir dos cales se explique a existencia e constitución do real. A distinción platónica entre a realidade sensíbel e a intelixíbel, ou a distinción cartesiana entre a substancia extensa e a substancia pensante, considérase formulacións clásicas do dualismo.